Նախագիծ — «Ծաղիկը, որպես բնական գունանյութ»
Այդքան բազմագույն ծաղիկներ ունենալով քոլեջի այգում և շրջապատում, չի կարելի անտարբեր անցնել ու չիրականացնել հետաքրքիր էկո նախագծեր, երբ գիտակցում ես, որ բնական ներկանյութերը գնահատելի են ավելի, քան այլ բաղադրության ներկանյութերը։
Մասնակիցներ — Արևմտյան դպրոց — պարտեզի երկարացված օրվա կազմակերպիչ Շողիկ Սահակյան և երկարացված օրվա ճամբարականներ, Քոլեջի ջերմոց-լաբորատորիայի պատասխանատու՝ Շողիկ Պողոսյան, ծնողներ և հրավիրյալ մասնագետներ։
Իրականացման ժամկետները — Նախագիծը շուրջտարյա է։ Ձմռանն օգտագործվելու են չորացված ծաղկի տերևներ։
Նպատակը — Օգտագործելով տարբեր տեխնոլոգիաներ՝ ծաղկաթերթիկներից և տերևներից կարողանալ ստանալ էկոլոգիապես մաքուր և բնական գունաներկեր՝ նկարչության, սննդի մեջ, հագուստի ներկանյութ օգտագործելու համար։ Սովորեցնել ձեռքի տակ եղած բնական նյութերից և մթերքներից ստանալ ներկեր, կարողանալ դրանց խառնուրդներից ստանալ նոր գույներ։
Արդյունք — Տարբեր տեխնոլոգիաներով ստացված ներկանյութը փորձարկել թղթի, կտորի, պատրաստի հագուստի վրա նկարելով։ Չորացված տերևներից և ծաղիկների թերթիկներից ստացված գունաներկերը փորձարկել հյութերի և քաղցրավենիքների խմորների ու կրեմների գունավորման համար։
Այց ջերմոց-լաբորատորի
Ստեղծում ենք ներկանյութ
Ընտանեկան նախագիծ ՝ Բնական գույներ
Վարպետության դաս Մարիամ Դանիելյանի հետ
Հավաքում և չորացնում ենք ծաղիկների թերթիկներ
Չորացված թերթիկները մանրացնելով՝ ստացանք ծաղկափոշի։
Ծաղկաթերթիկներից ստանում ենք յուղաներկ։